Aukerak
Egiten duzuena hobetu. Egin dezakezuena zabaldu.
Aukera asko dagoeneko duzuenetik abiatzen dira: zuen prozesuetatik, erabiltzen dituzuen tresnetatik eta eguneroko lanak sortzen duen informaziotik. Horiek elkarrekin lotzen eta hobetzen ditugu: integrazioekin, automatizazioekin, adimen artifizialarekin eta zuen beharretara egokitutako garapenekin.
Elkarrekin lan egiten duten tresnak
Eskaera bat posta elektronikoz iristen da, ERP-an erregistratzen da eta gero kalkulu-orri batean kopiatzen da berriro. Eskuzko urrats bakoitzak lana gehitzen du, eta informazioa dagokion prozesutik urrundu daiteke.
Sistema horiek nola konektatu aztertu dezakegu, datuak libre ibil daitezen eta zereginak esku-hartze gutxiagorekin aurrera egin dezaten. Ez da dena ordezkatzea: funtzionatzen duena hobeto aprobetxatu eta falta dena garatzea da kontua.
Zeregin errepikakor gutxiago. Lan arinagoa.
Dokumentuak prestatzea, informazioa sailkatzea, datuak mugitzea, egoerak egiaztatzea edo jarraipenak egitea egunaren zati handi bat har dezake.
Zeregin horiek eta haien salbuespenak aztertzen ditugu, zer sinplifikatu, zer automatizatu eta zer AArekin lagundu erabakitzeko. Helburua lan-karga arintzea eta lana hobeto antolatzea da, prozesu bakoitzak behar duen irizpidea eta kontrolak mantenduz.
Datuetatik erabakietara
Gertatzen dena erregistratzea ez da beti nahikoa gero zer egin jakiteko. Informazioa eskura egon daiteke eta, hala ere, lan handia eskatu dezake erabaki bihurtzeko.
Datuak lotzen dituzten, analisiak prestatzen dituzten eta beharrak aurreikusten laguntzen duten irtenbideak gara ditzakegu. Adibidez: zer erosi eta noiz aztertzea, desbideratzeak detektatzea edo bezero bakoitzaren ikuspegi erabilgarriagoa prestatzea. Kasuaren arabera, kalkuluak, arauak, aurreikuspen-ereduak eta AA uztartzen ditugu, behar diren egiaztapenekin.
Gaitasun gehiago hobetzeko eta zerbait berria eskaintzeko
Denbora libre uztea baliotsuagoa da garrantzitsuren bat egiteko aukera ematen duenean: bezeroak hobeto artatzea, aholkularitza pertsonalizatuagoa eskaintzea, zerbitzu bat garatzea edo egiteke dagoen ekimen bati ekitea.
Horregatik, ez dugu soilik zer zeregin automatiza daitezkeen begiratzen. Zer lortu nahi duzuen eta zerk eragozten duen ere aztertzen dugu. Irtenbideak zuen gaitasuna zabaldu behar du, ez soilik gaur egiten duzuen lana bizkortu.
Martxan jartzea hasiera besterik ez da
Irtenbidea garatzen dugu eta benetako lanean nola funtzionatzen duen jarraitzen dugu. Zer aldatzen den neurtzen dugu, zerk behar dituen doikuntzak ikusten dugu eta zuen enpresa aldatu ahala nola hobetzen jarraitu adosten dugu.
Non ikusten duzue aukera bat zuen enpresan?
Nahi baduzue, zuen egoeratik has gaitezke eta elkarrekin aztertu nola jorratu.